Semu l’adunita di parsoni di a sucità civili (agricultori, duttori, prufissori, studutori, cumircianti, capimpresi, impiigati d’inghji sorti, artisti, parsoni senza travaddu o à a ritirata…) chì si primùrani di l’avvena di a lingua corsa. Inchieti di a so saluta, ci vulemu mubilizà par falli ritruvà a so piazza naturali è custruì una sucità bislingua.

Ùn semu micca una qualunqua struttura pulìtica, nè una struttura sindicali nè l’accolta d’una curpurazioni.

Par ch’edda campi a noscia lingua, u meddu par quissa hè di fanni usu u più pussìbuli. Tocca à inghjunu à fà a so parti ; hè u missagiu ch’è no vulemu purtà è spiremu di riescia à trasmetta a noscia fedi in ‘ssu duminiu.

Di sicuru a vuluntà pupulara ùn pò fà tuttu è emu bisognu d’un aiutu forti da i puderi pùblichi. Hè u sensu di i dumandi, riassunti in 16 punta, ch’è no femu à i Cullitività è à u Statu. Sò sposti in una pitizioni.

‘Ssa pitizioni, signètila puri è fètila signà !
Quì, in ‘ssu situ infurmàticu
o in carrughju postu ch’edda asisti dinò
sottu à una forma manuscrita.